Herensia Kultural Intagibel
E término ‘patrimonio kultural’ a kambia di kontenido konsiderablemente den último dekadanan, un parti debí na e instrumentunan desaroyá pa UNESCO.
Patrimonio kultural no ta solamente monumentunan i kolekshonnan di ophetonan. E ta inkluí tambe tradishonnan o ekspreshonnan bibu heredá di nos antepasadonan i transmití pa nos desendientenan, manera tradishonnan oral, arte dramátiko, praktikanan sosial, ritualnan, selebrashonnan festivo, konosementu i praktikanan natural i universal o konosementunan i abilidatnan pa produsí artesania.
Maske e ta frágil, Herensia Kultural Intagibel ta un faktor importante pa mantené e diversidat kultural ora nos ta konfrontá kresementu di globalisashon.
Un komprendementu di Herensia Kultural Intangibel di diferente komunidat ta yuda e diálogo interkultural i fomentá respèt mutuo pa otro forma di biba.
Salbaguardia Herensia Kultural Intangibel
Den 2003, UNESCO a krea e Kombenio pa Salbaguardia Herensia Kultural Intangibel. E ophetivo ta pa salbaguardia e formanan spesífiko di patrimonio kultural, ku ta inkluí praktikanan, representashonnan, ekspreshonnan, konosementu i abilidatnan ku nos komunidat ta rekonosé komo nan patrimonio kultural. Tambe e ta un hèrmènt pa apoyá e komunidatnan i kontinuashon di praktikanan diario, apoyando e kontinuashon duradero di komunidatnan praktikante i e transmishon viabel pa futuro generashon.
Reino Hulandes a ratifiká e Kombenio na aña 2012, i miembronan asosia di UNESCO den Reino Hulandes a ko-ratifiká e Kombenio na 2012 (Aruba), 2014 (Sint Maarten) i 2016 (Kòrsou).
Un di e hèrmènt nan di e Kombenio ta su sistema di lista internashonal reparti den tres parti ku a drenta den funshon na aña 2009, inkluyendo: un Lista Representativo di Herensia Kultural Intangibel di Humanidat, un Lista di Patrimonio Kultural Intangibel ku Mester Salbaguardia ku Urgensia i un Registrashon di Bon Praktikanan Salbaguardiá.
E mekanismo di e listanan aki tin diferente ophetivo.
Pa realisa e implementashon di e Kombenio pa Salbaguardia Herensia Kultural Intangibel na Kòrsou, a aprobá un Komishon di Herensia Kultural Intangibel i esaki a wòrdu establesé den un DEKRETO DI PAIS na 2 di mei 2023 no. 23/1153, establesiendo:
Gobernador di Kòrsou, pa rekomendashon di Ministerio di Enseñansa, Siensia, Kultura i Deporte, aktuando konforme opinion di Konseho di Minister, Gobiernu di Kòrsou, a tuma den konsiderashon: ku 29 di yüli 2016, e Kombenio pa Salbaguardia Herensia Kultural Intangibel di Kòrsou di 2003 a drenta na figor na e di 36 edishon di Konferensia Kultural di UNESCO, mientras ku Kòrsou a wordu atmití komo miembro asosiá di e organisashon 25 di òktober 2011.
den konformidat di artikulo 13, letra b), e dicho Kombenio, ta deseabel pa designá o establesé un o mas komishon kompetente pa salbaguardia/preservashon di Herensia Kultural Intangibel presente den su teritorio;
E aprobashon di e establesimentu di e Komishon ta kai bou di responsabilidat final di minister, i lo ta responsabel pa implementá e Kombenio na Kòrsou.
Miembronan di Komishon
Miembronan di e Komishon di Herensia Kultural Intangibel ta konsistí di un representante di:
a. Organisashon di Maneho di Ministerio di Enseñansa, Siensia, Kultura i Deporte,
b. Organisashon di implementashon Kultura i Deporte di Ministerio di Enseñansa, Siensia, Kultura i Deporte,
c. National Anthropological Archaelogical Memory Management (NAAM)
d. Fundashon Museo Tula
e. Dos eksperto edukashonal
f. Un eksperto di trabounan sosial / trabounan desaroyo di bario
g. Universidat di Kòrsou Dr. Moises Da Costa Gomez
h. Unidat di Bario
Tambe e siguiente personanan:
i. Dr. Rose Mary Allen
j. Stephanie van Heijningen,
k. Sekretario General di UNESCO Curaçao, komo un miembro asesor